ضمي يدينك مع بعض ... وافركيها ..
وعضي على شفتك السفلى .. وان بغيتي تقطعيها .. اقطعيها ..
وناظريني بنص عينك .. وغمضيها ..
وان بغيتي صدي وروحي .. واتركي روحي .. واهجريها ..
لملمي كل المشاعر .. لملميها ..
نبض قلبك وتحنانك .. وحبك .. اصلبيها
دمع عينك ولهفك .. وودك .. امسكيها
وغيبة الشوق عن حبيبك .. اصنعيها
والجروح فيني ... أنزفيها ...
هذا انا ....
مثل ما كنت ولازلت .. اذكريها
معقد ورجعي وكل الظنون فيني اكتبيها ..
واكتبيني ما فهمت هذي الحياة اللي تطلبيها ..
وارسميني شاب في ثوب شايب..!!؟
يبتغي ذيك الحياة اللي تكرهيها ..
شاب في ثوب شايب ..
ما عرف معنى الحضارة
ما عرف معنى الحداثة
ما عرف كيف التقنع وفنون التحايل والمهارة
ما عرف الاّ السماحة وقلب ابيض والبراءة
وانتِ تسمّيها سذاجة وغباوة ..~
شوفيني اضحك ...!!!
والعبرة في داخلي محتويها ...
مااااااشي~
غيري كل المعاني .. غيّرها
وقولي عني...
عود شايب ..
نعم .. قولي عني عود شايب
وانا أقول :
عود شايب ..
منظم حياته في جدول ..
والحياة اللي تطلبيها ما يبيها ...
عود شايب ..
يكره التظاهر بالمظاهر ..
والحياة الزايفة والخداع والعيش فيها ..
عود شايب ..
يكره الغيبة والنميمة بدعوى التناصح ..
ويرتجي منك تبعدي عنها وتتركيها ..
عود شايب ..
متزن في أموره ويقيس ..
كيف الحياة تتوافق مع أفكاره وما يجاريها ..
تقولين .. معقد وعومه
تقولين .. متخلف ورجعي
قولي اللي تقولينه ..!!
اسمحي لي هذا طبعي ...
شاب في ثوب شايب ..
وتارك هذي الحياة وبلاويها .. للي يبيها
الرئيسية
